रोशन लामिछाने
स्याङ्जा, २८ कात्तिक
पुतलीबजार नगरपालिको कार्यालय स्याङजाले पालिका भित्र रहेका गर्भवतीलाई क्याल्सीयम वितरण गर्ने र जेष्ठ नागरिक स्वास्थ्य उपचार कार्यक्रम शुरु गर्ने भएको छ । पुतलीबजार नगरपालिकाले गर्भवतीहरुलाई निशुल्क क्याल्सीयम र जेष्ठ नागरिकलाई घरघरमा गएर सेवा प्रदान गर्न लागेको हो ।
पुतलीबजार नगरपालिकाद्धारा आयोजित उक्त कार्यक्रममा नगर प्रमुख सिमा क्षेत्रीले पालिकाले रचनात्मक कार्यको शुरु गरेकाले कार्यक्रम सफल बनाउन सवैले सहयोग गर्नेपर्ने बताईन् । क्षेत्रीले सवैको सुझाव अनुसार कार्यक्रमहरु संचालन गरिने जानकारी दिईन् ।
कार्यक्रममा प्रमुख प्रशासकीय अधिकृत रुद्रबहादुर मल्ल र १४ नम्बरका वडा अध्यक्ष शेषराज ढकाल लगायतले गर्भवती महिला र बच्चाको स्वास्थ्य राम्रो बनाउन क्याल्सीयमको प्रयोग गर्नुपर्ने बताए । क्याल्सीयमको प्रयोगले कमजोर महिलाहरुलाई उर्जा प्रदान गर्ने उनीहरुको तर्क रहेको थियो ।
सोही क्रममा मेडिकल अफीसर सुनिल ढुंगानाले गर्भवतीहरुले किन क्याल्सीयम प्रयोग गर्ने, क्याल्सीयमबाट हुने फाईदाहरु र क्याल्सीयम कमी हुदा हुने असरहरुबारे कार्यपत्र प्रस्तुत गरेका थिए भने पव्लीक हेल्थ अफिसर सुष्मा सेनले गर्भवतीको रेखदेख कसरी गर्नेबारे कार्यपत्र प्रस्तुत गरेकी थिईन् ।
Hi. I’m Designer of Blog Magic. I’m CEO/Founder of ThemeXpose. I’m Creative Art Director, Web Designer, UI/UX Designer, Interaction Designer, Industrial Designer, Web Developer, Business Enthusiast, StartUp Enthusiast, Speaker, Writer and Photographer. Inspired to make things looks better.
0 comments:
Post a Comment
Thankyou for comment